Gjenerali amerikan: E pamundur që Koreja e Veriut të mos ketë asnjë rast me koronavirus

10:52 | 3 Prill 2020

Gjenerali amerikan në Korenë e Jugut tha se nuk i’u beson pretendimeve të Koresë Veriore që nuk ka asnjë rast me koronavirus.

“Ky është një pretendim i pamundur bazuar në të gjithë intelin që kemi parë,” tha Gjenerali Robert Abrams, Komandanti i Forcave Amerikane Kore (USFK), në një intervistë të përbashkët me CNN dhe Zërin e Amerikës.

“Sa shumë? Unë nuk mund të ju tregoj ju por e di nga sjelljet e tyre që për 30 ditë ne muajin shkurt dhe në fillimin e marsit, ushtria e tyre ka qenë e mbyllur dhe kanë përdorur metodën drakoniane në vendkalimet e tyre kufitare dhe në informacionet e tyre.”

Koreja Veriore nuk ka raportuar asnjë rast me COVID-19, edhe pse kufizohet me dy vendet më të prekura nga virusi, me Kinën dhe Korenë Jugore, shkruan arbresh.info

Përderisa dje u regjistrua rasti 16 me koronavirus në ushtrinë amerikane, Abrams tha se forcat ushtarake janë duke e menagjuar situatën duke e mbajtur sa më të vogël numrin e të infektuarve.

“Ne kemi parë edhe më keq por tani nuk është koha për tu vetëkënaqur. E keqja jonë sinqerisht nuk është edhe aq e keqe,” tha Abrams./arbresh.info/

Shpërndaje në rrjete sociale

Lajmet më të lexuara