Një grua e akuzuar për vrasjen e Kim Jong-nam, gjysmë vëllaut të liderit të Koresë Veriore, Kim Jong-un, ka deklaruar se ajo ishte paguar që të merrte pjesë në një seri televizive humoristike para vdekjes së tij.

Siti Aisyah, 26 vjeç, ka shtuar se asaj i ishte thënë që të zvarritet pas njerëzve në aeroporte dhe të fshijë makiazhin nga fytyra e tyre, transmeton portali arbresh.info

Kim Jong-nam vdiq shkurtin e kaluar në aeroportin e Kuala Lampur pasi ishte helmuar nga një substancë në fytyrën e tij.

Aisyah dhe e pandehura tjetër, Doan Thi Huong, nuk e kanë pranuar fajësinë dhe kanë theksuar se janë mashtruar.

Avokatët mbrojtës thonë se palë ishin paguar për të marrë pjesë në shfaqje humoristike, të cilat do të kryeshin në aeroporte, hotele dhe qendra tregtare.

Pheniani ka mohuar të ketë gisht në vrasjen e Kim Jong-nam, por besohet se katër burra koreano veriore që kishin udhëtuar drejt Malajzisë në ditën e vrasjes, janë akuzuar në lidhje me këtë rast./arbresh.info/