“Rregullat janë të mira aq sa zbatimi. Qeveritë lokale janë përgjegjëse për zbatimin. Unë kam nevojë që qeveritë lokale ta zbatojnë këtë”, tha guvernatori Cuomo.

Guvernatori i New Yorkut, Andrew Cuomo të mërkurën njoftoi kufizime të reja ndaj COVID-19 në një përpjekje për të kufizuar përhapjen e pandemisë në shtetin federal të SHBA-ve.

Sipas rregullave të reja të cilat hyjnë në fuqi të premten në orën 22:00 sipas kohës lokale, baret, restorantet dhe palestrat ose qendrat e fitnesit si dhe çdo ndërmarrje e licencuar nga Autoriteti i Pijeve Shtetërore do të kërkohet të mbyllet nga ora 10:00 deri në 05:00 të mëngjesit çdo ditë.

Restorantet do të lejohen të sigurojnë marrje-dorëzim pas orës 10:00. Përveç kësaj, tubimet e brendshme dhe të jashtme në rezidencat private do të kufizohen në jo më shumë se 10 persona.

“Rregullat janë të mira aq sa zbatimi. Qeveritë lokale janë përgjegjëse për zbatimin. Unë kam nevojë që qeveritë lokale ta zbatojnë këtë”, tha guvernatori Cuomo në një deklaratë.

Njoftimi erdhi për shkak të rritjes së rasteve të koronavirusit në të gjithë vendin. New Yorku aktualisht ka më shumë se 520 mijë raste me koronavirus.

Sipas Universitetit “Johns Hopkins”, SHBA ka më shumë se 10.3 milionë infeksione dhe më shumë se 240 mijë viktima./AA/