Tregjet botërore financiare kanë parë disa prej rënieve më të mëdha në vite, pasi rritja e rasteve të koronavirusit kanë ngjallur frikën për ngadalësim ekonomik.

Në SHBA, Dow Jones dhe S&P 500 postuan rëniet e tyre të mprehta ditore që nga viti 2018, me Dow që ka rënë 3.5% ose më shumë se njëmijë pikë, transmeton portali arbresh.info.

S&P 500 përfunduan ditën 3.3% më të ulëta, ndërsa Nasdaq u zhyt 3,7%.

Indeksi i aksioneve FTSE 100 në Mbretërinë e Bashkuar mbylli 3.3% më të ulët, rënia më e mprehtë që nga janari 2016.

Në Itali, e cila ka parë shpërthimin më të keq të Evropës nga virusi, tregu i aksioneve të Milanit ra në gati 6%.

Lëvizjet erdhën pasi shpërthimi vazhdoi të përhapet jashtë Kinës, me Iranin, Korenë e Jugut dhe Italinë raportuan një rritje të rasteve.

Rreth 77,000 njerëz në Kinë, ku u shfaq virusi vitin e kaluar, janë infektuar dhe rreth 2.600 kanë vdekur.

Më shumë se 1.200 raste janë konfirmuar në rreth 30 vende të tjera dhe ka pasur më shumë se 20 vdekje. Italia njoftoi tre vdekje të tjera të hënën, duke e rritur totalin atje në gjashtë./arbresh.info/