Republika Çeke hedh poshtë akuzat e bëra nga Turqia se ajo mbështet terrorizmin pas lirimit të ish-udhëheqësit kurd sirian Salih Muslim me kusht, tha një zëdhënëse e ministrisë së jashtme.

Irena Valentova, një zëdhënëse e Ministrisë së Jashtme të Çekisë, mohoi pretendimet e Turqisë, duke deklaruar se ndalimi dhe lirimi i Muslimit “u trajtuan në përputhje me ligjin ndërkombëtar”, transmeton portali arbresh.info

“Republika Çeke kundërshton me forcë çdo akuzë për mbështetjen e terrorizmit ndërkombëtar,” tha ajo në një deklaratë të lëshuar nga Ministria.

“Përmes vendimit të gjykatës së qytetit në Pragë, Republika Çeke nuk ka shkelur ndonjë nga detyrimet e saj sipas ligjit ndërkombëtar, duke përfshirë ato të Konventës Evropiane për Ekstradimin”, shtoi Velentova.

Zëdhënësi i Ministrisë së Jashtme vuri në dukje se Ankaraja kishte 40 ditë për të siguruar të gjitha dokumentet përkatëse për një kërkesë për ekstradim, e cila do të shqyrtohet nga një gjykatë çeke përpara se ministri i drejtësisë të marrë një vendim përfundimtar./Arbresh.info/