Sipas një ankete të re, kryeministri britanik, Boris Johnson, është i vendosur ta largojë vendin e tij nga Bashkimi Evropian në kohën kur shumica e popullsisë janë kundër këtij veprimi.

Sipas anketës së realizuar nga organizata BMË, 52 për qind e personave që morën pjesë në sondazh e përkrahin qëndrimin e Britanisë në BE, ndërsa 48 për qind e përkrahin qëndrimin e kryeministrit për largimin nga Bashkimi Evropian.

Shumica e personave që morën pjesë në anketë gjithashtu presin që Brexit-i të sjellë ndikim negativ për ekonominë. Rreth 30 për qind e tyre besojnë se personalisht do të jenë në pozitë më të keqe pas largimit të Britanisë nga BE-ja.

Më shumë se 40 për qind e britanikëve duan që brenda dekadës së re ta kenë prapë mundësinë për të votuar që t’i bashkohen Bashkimit Evropian, ndërsa 15 për qind thanë se referendumi i dytë për Brexit-in duhet të mbahet brenda një viti.

Në referendumin e vitit 2016, 51.9 për qind e britanikëve kishin votuar për largim të vendin nga Bashkimi Evropian, ndërsa 48.1 për qind për qëndrim në BE, shkruan “Independent”, transmeton Gazeta Express.