Kryenegociatori i Bashkimit Evropian për “Brexit” i ka kërkuar Britanisë së Madhe  më shumë “qartësi” se në çështje kyçe si të drejtat e qytetarëve evropianë dhe emigrantëve që jetojnë në Mbretëri, si dhe “fatura e divorcit”.

Michel Barnier tha se përparimi që ishte bërë derim më tani në bisedimet e “Brexit” me përfaqësuesin britanik, David Davis,  ishte i “kënaqshëm”.

Por ka ende dallime se si do të garantohen të drejtat e banimit të qytetarëve dhe se si do të ruhet një zonën e përbashkët  udhëtimi me Irlandën.

Këto deklarata erdhën në një konferencë për mediat në fund të javës së dytë të bisedimeve për divorcin e shtetit ishullor nga unioni evropian.

Barnier tha se kishte disa mosmarrëveshje për mënyrën se si duhet të trajtohen britanikët që jetojnë jashtë dhe shtetasit evropianë që jetojnë në Britani.

Por ai tha se Brukseli besonte se të drejtat e qytetarëve duhet të mbështeten nga Gjykata e Drejtësisë e Bashkimit Europian , diçka që Kryeministria britanike Theresa May ka përjashtuar.