Brazili ka regjistruar rekord të vdekjeve të reja me COVID-19.

Brazili raportoi numrin më të lartë të përditshëm të vdekjeve që nga fillimi i pandemisë Covid-19 të martën, sipas të dhënave nga Ministria e Shëndetësisë e vendit, me 1,972 viktima të reja, raporton Reuters, transmeton lajmi.net.

Numri i përgjithshëm i vdekjeve të koronavirusit të vendit tani është 268,370.

Të martën, ministria raportoi 70,764 raste të reja të konfirmuara me Covid-19, duke rritur numrin e përgjithshëm të infeksioneve të vendit në 11,122,429 – numri i tretë më i lartë në botë pas Shteteve të Bashkuara dhe Indisë.

Në shtetin juglindor të Sao Paulo të martën, një numër rekord prej 517 vdekjesh të lidhura me Covid-19 u raportuan nga autoritetet shëndetësore në 24 orët e fundit.

Numri i të vdekurve të Sao Paulos tani qëndron në 62,101, me 2,134,020 raste të konfirmuara Covid-19, sipas të dhënave zyrtare.