Presidenti amerikan, Joe Biden ka shkuar më tutje në raport me vlerësimet negative të presidentit rus, Vladimir Putin.

I pari i shtetit amerikan e kishte cilësuar homologun rus kriminel lufte dhe se nuk do të flas ose takojë atë.

Kjo ishte hera e parë Biden e quajti kështu presidentin rus, të cilën gjë e kundërshtoi Kremlini.

Gjatë ditës së sotme, ai tha se presidenti i Rusisë është një “diktator vrasës, një ngacmues i pastër që po bën një luftë imorale kundër popullit të Ukrainës”.

Theksojmë se tashmë veprimet e rusëve në shtetin ukrainas po hetohen nga Gjykata Ndërkombëtare e Drejtësisë me seli në Hagë.

Ndryshe, Rusia ka vazhduar edhe sot me bombardime duke shkaktuar viktima, ku mesin e tyre është edhe një qytetar amerikan.

Biden says Putin is “a murderous dictator, a pure thug who is waging an immoral war against the people of Ukraine”pic.twitter.com/6uIQOYMPCX

— Insider Paper (@TheInsiderPaper) March 17, 2022