Biden: NATO është më e bashkuar se kurrë lidhur me Ukrainën

WASHINGTON, DC - FEBRUARY 24: U.S. President Joe Biden delivers remarks about Russia's “unprovoked and unjustified" military invasion of neighboring Ukraine in the East Room of the White House on February 24, 2022 in Washington, DC. Biden announced a new round of sanctions against Russia after President Vladimir Putin launched an attack on Ukraine from the land, sea and air on Thursday. (Photo by Drew Angerer/Getty Images)

19:24 | 24 Mars 2022
Gita

Presidenti amerikan, Joe Biden, tha se presidenti rus, Vladimir Putin, gaboi kur mendoi se NATO do të ishte e ndarë sa i përket Ukrainës.

Në një konferencë për media, Biden tha se pushtimi rus i Ukrainës ka rritur unitetin brenda NATO-s, Bashkimit Evropian dhe Grupit të shtatë vendeve më të industrializuara, G7.

“Ai nuk mendoi se ne mund ta ruanim këtë kohezion”, tha Biden duke iu referuar Putinit. Ai shtoi se NATO “nuk ka qenë kurrë më e bashkuar se sa është sot”.

“Putin po përballet me të kundërtën e asaj që ka menduar se do të ndodhte kur vendosi të hynte në Ukrainë”, tha Biden.

Shtetet e NATO-s dhe aleatët e tjerë kanë vendosur sanksione të ashpra ekonomike kundër Rusisë./Rel/