Bashkimi Evropian (BE) ka deklaruar se vendosja në objektiv (persekutimi) i personave për shkak të fesë ose besimit është në kundërshtim me ligjin ndërkombëtar dhe se duhet të merren masa parandaluese për të luftuar këtë situatë, transmeton Anadolu Agency (AA).

Përfaqësuesja e Lartë e BE-së për Punë të Jashtme dhe Politikë të Sigurisë, Federica Mogherini, në një deklaratë të publikuar me rastin e Ditës Ndërkombëtare të Viktimave të Akteve të Dhunës bazuar në Fe ose Besim është shprehur se, “Përndjekja e personave për shkak të lidhjeve të tyre me fenë ose ndonjë besimi është në kundërshtim me ligjin ndërkombëtar dhe kundër kësaj duhet të ndërmerret një luftë e përbashkët”.

Pasi ka rikujtuar se vitin e kaluar janë kryer shumë sulme tragjike, Mogherini ka theksuar se ligji i BE-së e ndalon që personat të bëhen objektiv për shkak të fesë apo besimit.

Në këtë kuadër institucionet shtetërore duhet të sigurojnë lirinë e fesë dhe besimit, theksoi Mogherini, duke vlerësuar më tej se, “Duhet të merren masa parandaluese për të luftuar urrejtjen, dhunën dhe persekutimin kundër fesë”.