Ndërsa shqetësimet për një pushtim të mundshëm nga Rusia në Ukrainë po rriten, Banka Botërore dhe Fondi Monetar Ndërkombëtar do të zhvendosin stafin e tyre nga Ukraina.

Institucionet thanë se do të vazhdojnë të mbështesin punën në vend, por stafi do të dërgohet diku tjetër, trasmeton portal arbresh.info

Reuters ka marrë një memo të brendshme nga Banka Botërore dërguar të hënën, e cila tha se po monitoron situatën në kufi pasi Rusia po vazhdon të dërgojë trupa ushtarake atje.

“Prioriteti kryesor i Grupit të Bankës Botërore është të mbajë të sigurt stafin tonë dhe familjet e tyre. Në përputhje me politikën tonë të evakuimit, zhvendosja e përkohshme e stafit është duke u zhvilluar dhe masat e shtuara të sigurisë janë në vend, “thuhet në memorandum.

Ndërkohë, një zëdhënës i FMN-së konfirmoi se Vahram Stepanyan, përfaqësuesi i saj me qendër në Ukrainë, do të zhvendoset përkohësisht.

Shtetet e Bashkuara gjithashtu kanë njoftuar se do të mbyllin Ambasadën në Kiev dhe do ta zhvendosin atë në Lviv.

FMN-ja mban një program kredie prej 5 miliardë dollarësh për Ukrainën, ndërsa Banka Botërore i ka dhënë Ukrainës rreth 1.3 miliardë dollarë financim që nga fillimi i pandemisë COVID-19./arbresh.info/