Austria ka rritur kërcënimet për masat e bllokimit për njerëzit e pavaksinuar, pasi rastet me koronavirus janë duke u rritur ndjeshëm.

Provinca më e prekur e vendit tha se planifikon të ndërmarrë këtë hap javën e ardhshme, transmeton portal arbresh.info

Austria ka marrë një sërë masash javët e fundit në përpjekje për të frenuar përhapjen e COVID-19 dhe për të inkurajuar më shumë njerëz që të vaksinohen.

Masat që pritet të merrën nga autoritetet do të bllokojnë të pavaksinuarit që të hyjnë në restaurante, hotele, sallonet e bukurisë, dhe ngjarjet e mëdha publike.

Kancelari Alexander Schallenberg tha në fund të muajit të kaluar se njerëzit e pavaksinuar në Austri mund të përballen me kufizime të reja bllokimi nëse numri i infeksioneve vazhdon të rritet.

Të enjten, shifrat zyrtare treguan se 760.6 raste të reja të raportuara për 100,000 banorë gjatë shtatë ditëve të mëparshme, një normë tre herë më e madhe se ajo e Gjermanisë.

“Unë nuk e kuptoj pse dy të tretat duhet të humbasin lirinë e tyre sepse një e treta është e shqetësuar,” tha Schallenberg. “Për mua është e qartë se nuk duhet të ketë izolim për të vaksinuarit nga solidariteti për të pavaksinuarit”.

Austria e Epërme është një ndër zonat më të prekura nga infeksionet, me 1,200 raste të reja vetëm gjatë ditës së enjte.

Zyrtarët atje “planifikojnë një bllokim për njerëzit e pavaksinuar nga e hëna, me kusht që të ketë një dritë jeshile ligjore nga qeveria federale, ose më mirë që qeveria federale të krijojë bazën ligjore”, tha guvernatori Thomas Stelzer./euronews/arbresh.info/