Austria ka lejuar rihapjen e kafeneve dhe restoranteve pas disa javësh në karantinë, por shumë pak njerëz po lejohen t’i vizitojnë për ruajtjen e distancimit shoqëror.

Kafenetë dhe restorantet duhet të vendosin tavolinat së paku nga 1 metër larg njëra tjetrës, shkruan arbresh.info

Më së shumti katër të rritur lejohen të qëndrojnë bashkë në një tavolinë, së bashku me fëmijët e tyre. Kurse stafi i gjithi është i pajisur me maska fytyre.

Mysafirët zakonisht nuk kanë pasur nevojë të bëjnë rezervime por tani ajo është e domosdoshme me qëllim te ruajtjes së distancës.

Në përpjekje për të stimuluar biznesin, kryetari i bashkisë së Vjenës, Michael Ludwig ka njoftuar se të gjitha familjet vjeneze do të marrin një kupon deri në 50 €  për ta përdorur në një nga restorantet ose kafenetë e qytetit në muajt e ardhshëm.