Kryeministrja e Zelandës së Re Jacinda Ardern është zotuar të mos e përmend më kurrë emrin e sulmuesit të xhamive në Christchurch.

“Ai ka kërkuar shumë gjëra nga akti i terrorizmit, por njëra ishte fama, për këtë nuk do të më dëgjoni kurrë të përmend emri  e tij”, tha Ardern në një adresim emocional para parlamentit, transmeton portali arbresh.info.

Sulmi i së premtes në dy xhami la 50 persona të vdekur dhe dhjetëra të plagosur.

Australiani Brenton Tarrant, një supremacist i vetë-shpallur është akuzuar për vrasje.

Znj. Ardern tha: “Ju lutem, flisni për emrat e atyre që kanë humbur, në vend të emrit të njeriut që i mori ato, ai është një terrorist, ai është kriminel, është ekstremist, por ai, kur flas , do të jetë i pa emër”.

Në një takim të veçantë të parlamentit të martën, zonja Ardern përdori përshëndetjen arabe “Al-Salaam Alaikum”, e cila në shqip do të thotë “paqja qoftë mbi ju”.

Kryeministrja u bëri thirrje platformave të mediave sociale që të bëjnë më shumë për të luftuar terrorizmin, pasi njeriu i armatosur në Christchurch transmetoi direkt sulmin e tij në Facebook./Arbresh.info/