Amerikanët janë duke votuar në zgjedhjet kombëtare që janë duke u parë si referendum për presidencën e Donald Trumpit.

Vendvotimet janë hapur në orë 06:00 të kohës lokale në Bregun Lindor, në kohën kur Republikanët dhe Demokratët janë duke luftuar për kontrollin e dy dhomave të Kongresit, transmeton portali arbresh.info.

Postet e guvernatorëve dhe ulëset në legjislaturat shtetërore gjithashtu janë në garë.

Zgjedhjet afatmesme në gjysmën e mandatit katërvjeçar të Trumpit  në pushtet dhe ndjekin një fushatë shumë përçarëse.

Të gjitha 50 shtetet dhe Uashington DC do të shkojnë në votime, e pjesëmarrja e votuesve pritet të jetë i lartë.

In the first district of Pennsylvania – a Republican seat the Democrats are trying to flip – they haven’t seen lines like this since 2008. Big early turnout #MidtermElections2018 ⁦@BBCWorld⁩ pic.twitter.com/fQTVz6XtfZ

— Nick Bryant (@NickBryantNY) November 6, 2018

Trump mori pjesë në tri tubime në ditën e fundit të fushatës, duke u thënë mbështetësve të tij: “Gjithçka që kemi arritur është në rrezik nesër”.

Barack Obama – në gjurmët e fushatës për Partinë Demokratike – tha se “karakteri i vendit tonë është në fletëvotim”. Ish presidenti ka postuar votën duke thënë “mund të jetë më e rëndësishmja e jetës tonë”.

Amerikanët po votojnë për të gjitha 435 vende në Dhomën e Përfaqësuesve dhe 35 nga 100 vende në Senat – dy organet që përbëjnë Kongresin. Guvernatorët gjithashtu janë duke u zgjedhur në 36 nga 50 shtete.

Nëse republikanët mbajnë pushtetin e tyre në Senat dhe Dhomën e Përfaqësuesve, ata mund të vazhdojnë agjendën e tyre dhe atë të Presidentit Trump.

Por nëse demokratët arrijnë të marrin kontrollin e njërës ose të dy dhomave, ata mund të pengojnë ose madje të ndryshojnë planet e zotit Trump./Arbresh.info/