Aktivistët e Katalunisë për pavarësi janë mbledhur në kryeqytetin e Spanjës për të mbështetur organizatorët e referendumit jo-detyrues. Francesc Homs u paraqit në gjykatë nën akuzën e “mosbindjes civile dhe shtrembërim të drejtësisë”, për veprimtaritë në vitin 2014.

Qindra aktivistë për pavarësi të Katalunisë marshuan në Madrid teksa gjyqi për ish Ministrin e Presidencës dhe Zëdhënësin e Qeverisë së Katalunisë ishte duke u zhvilluar në Gjykatën e Lartë të Spanjës, transmeton arbresh.info.

Homs është duke u gjykuar për “mosbindje civile dhe shtrembërim të drejtësisë” gjatë votimit të referendumit jo-detyrues të pavarësisë së Katalunisë në vitin 2014, dhe nëse shpallet fajtor rrezikon të dënohet me një ndalim prej nëntë vjetësh nga politika.

Turma e përcolli të akuzuarin deri në gjykatë duke thirrur “Të votosh është demokraci”, “Sot ne të gjithë gjykohemi”.

Një numër i pro sindikalistëve u munduan të ndalnin marshimin, por ndërveprimet ishin paqësore./Arbresh.info

https://www.youtube.com/watch?v=MncPfxWnNFM