Një aksident me autobus në shtetin verilindor të Pernambukos në Brazil, të premten në mbrëmje, la të paktën 15 persona të vdekur, pasi shoferi humbi kontrollin e automjetit, thuhet në një deklaratë të Policisë Federale të Autostradave të Brazilit.

Aksidenti ndodhi pak para orës 20:00, kur shoferi humbi kontrollin e autobusit, doli në korsinë e kundërt, goditi shkëmbinjtë në anë të autostradës, më pas u përplas me një argjinaturë rëre dhe u përmbys. Shkaqet e aksidentit janë ende nën hetim, sipas Policisë Federale të Autostradave.

Sipas listës së publikuar nga policia, në bord ndodheshin 30 pasagjerë dhe gjysma e tyre janë konfirmuar të vdekur deri më tani, përfshirë 11 gra dhe katër burra.

Numri i përgjithshëm i të plagosurve nuk është bërë ende i ditur.

Shoferi pësoi lëndime të lehta. Ai iu nënshtrua një testi për alkoolin, i cili rezultoi negativ, sipas deklaratës.

Policia njoftoi se ka indikacione se disa pasagjerë mund të mos kenë pasur të vendosur rripat e sigurimit në kohën e aksidentit, raporton Reuters