Aksident i rëndë në Suedi/Treni përplas picerinë, plagosen shtatë persona

11:04 | 20 Qershor 2025
E.K

Një aksident u regjistrua në jugperëndim të Suedisë, ku një tren doli nga shinat dhe u përplas me një piceri.

Sipas raportimeve paraprake, të paktën shtatë persona mbetën të plagosur dhe u dërguan në spitalin lokal.

Ngjarja ndodhi në kryqëzimin mes Kungsportsavenyn-it dhe Vasagatan-it në Göteborg, në bregdetin perëndimor të vendit.

Policia, ekipet e urgjencës me autoambulanca, si dhe përfaqësues të Göteborg Tramways u drejtuan menjëherë në vendin e aksidentit.

Një pjesë e madhe e zonës është rrethuar dhe po kryhen hetime për të përcaktuar shkakun e aksidentit.

“Shpejtësia ishte aq e lartë sa tramvaji jo vetëm që doli nga shinat, por vazhdoi të ecte drejt përpara në asfalt, duke ngjitur një pjesë të mirë të trotuarit në anën e kundërt për t’u futur me forcë në një piceri”, citohet të ketë thënë Morten Gunneng, një oficer policie në detyrë.