NATO, e themeluar 77 vite më parë më 4 prill 1949 në Uashington, ka arritur të bëhet organizata udhëheqëse për mbrojtjen kolektive.

Fillimisht e krijuar për të kundërshtuar kërcënimin sovjetik, NATO është e bazuar në parimin e solidaritetit të ndërsjellë, duke i dhënë çdo sulmi të armatosur një përgjigje kolektive nga të gjitha palët anëtare.

Gjatë viteve, shumë shtete janë bashkuar me aleancën, përfshirë Greqinë dhe Turqinë (1952), Gjermaninë (1955), dhe Spanjën (1982). Pas shpërbërjes së BRSS-së, NATO vazhdoi të rritej, duke mirëpritur ish-vendet komuniste të Evropës Lindore dhe duke marrë pjesë në operacione ushtarake si në Bosnje (1995) dhe në Kosovë (1999).

Pas sulmeve të 11 shtatorit 2001, NATO u angazhua në luftën kundër terrorizmit, duke udhëhequr misionin ISAF në Afganistan deri në vitin 2014. Në vitin 2014, pas aneksimit të Krimesë nga Rusia, NATO forcoi praninë e saj në lindje të Evropës me grupe shumëkombëshe taktike në shtetet si Polonia, Estoni, Letoni dhe Lituani.

Maqedonia e Veriut u bë anëtari i 30-të i NATO-s në vitin 2020, duke theksuar edhe njëherë zgjerimin dhe forcimin e aleancës në një botë që përballet me sfida të reja të sigurisë globale.