Xhamia e parë zyrtare e Athinës është hapur ditën e hënë duke mirëpritur myslimanët për lutje pas një pritje 14-vjeçare që kur filluan procedurat në vitin 2006. Sekretari i Përgjithshëm i Besimeve Fetare, Giorgios Kalantzis e ka cilësuar hapjen e xhamisë si një shenjë të lirisë dhe demokracisë në Greqi.

“Një përpjekje e gjatë nga qeveritë e njëpasnjëshme që nga viti 2006, kur u miratua Ligji 3512, ka përfunduar. Greqia dërgon një mesazh të qartë brenda dhe jashtë vendit, për demokraci, liri fetare dhe respekt, “tha Sekretari i Përgjithshëm i Feve Giorgos Kalantzis. Lutjet u mbajtën në xhaminë e vendosur në rrethin Votanikos, duke respektuar rreptësisht rregullat e distancës shoqërore dhe masave të tjera të sigurisë të zbatuara në të gjithë Greqinë për të përmbajtur përhapjen e koronavirusit.

Imami i parë i xhamisë është një shtetas grek i lindur në Marok, Zaki Mohammed. /gazetareforma