Shtetet e Bashkuara do të evakuojnë ambasadën e tyre nga Kiev ipasi zyrtarët e inteligjencës perëndimore paralajmërojnë se një pushtim rus i Ukrainës është gjithnjë e më i afërt.

Zyrtarët amerikanë thanë se Departamenti i Shtetit planifikon të njoftojë herët të shtunën se pothuajse të gjithë stafit amerikan në ambasadën e Kievit do t’i kërkohet të largohet përpara një pushtimi të frikshëm rus.

Një numër i vogël zyrtarësh mund të qëndrojnë në Kiev, por shumica dërrmuese e pothuajse 200 amerikanëve në ambasadë do të dërgohen ose do të zhvendosen në perëndimin e largët të Ukrainës, pranë kufirit polak, në mënyrë që ShBA-ja të mund të mbajë një prani diplomatike në vend, shkruan AP.

Departamenti i Shtetit nuk do të komentonte.

Departamenti kishte urdhëruar më herët familjet e punonjësve të ambasadës amerikane në Kiev të largoheshin. Por e kishte lënë në diskrecionin e personelit jo thelbësor nëse do të donin të largoheshin. Masa e re vjen pasi Uashingtoni ka rritur paralajmërimet e tij për një pushtim të mundshëm rus të Ukrainës.

LEXO EDHE

Gjendja në Ukrainë shumë serioze, tentohet ndalimi i një lufte në Europë – Arbresh.info