Organizata “Demokracia Studentore” , ka protestuar para rektoratit të Universitetit të Prishtinës “Hasan Prishtina”, kundër veprimeve të drejtuesit të këtij institucionit, rektorit Marjan Dema, shkruan arbresh.info.

Ata po kërkojnë shkarkimin e rektorit Marjan Dema.

Protesta e po mbahet në shenjë pakënaqësie me menaxhimin e UP-së me pankarta në duar në të cilat shkruan “Shkatërrimi i arsimit është shkatërrim i kombit”.

Prorektorja Teuta Pustina-Krasniqi  ka kërkuar nga protestuesit që këta të fundit të takohen me drejtuesit në sallën e senatit, mirëpo studentët kanë këmbëngulur që rektori të dalë para tyre.

Pas kësaj rektori Marjan Dema, tha para studentëve se është i gatshëm të jap përgjegjësi për çdo gjë.

Ai ka thënë se  është hera e tretë që ky grup i studentëve kanë protestuar dhe asnjëherë nuk kanë biseduar me të.

“Nuk kisha dashtë që UP të merret me këto çështje që nuk janë akademike. Fillimisht për heqjen e flamurit, pastaj kisha nuk ka qenë përgjegjësi e imja. Për çështje që i pash depononin në organet, edhe pse nuk bie në barrë time. Ejani bisedojmë brenda kështu  i ka hije UP-së e jo të merremi me protesta të pa bazuara”.

Ai ka debatuar me studentët duke i kundërshtuar duke thënë që të gjitha vërejtjet të deponohen në prokurori.

Kurse , kryetari i Demokracisë Studentore, Mexhit Ramusa tha se që nga tani e tutje do të kërkojnë shkarkimin e  rektorit Marjan Dema.

“Ne kemi kërkuar biseda me rektorin ai nuk na ka pranuar. Ai merret me inate personale. Ne tash e tutje do të kërkojmë shkarkimin e tij. Ne kemi kërkuar shumë gjatë llogari nga ai. Rektori nuk e ka mbrojtë tokën e Universitetit”, ka thënë ai./arbresh.info/