Mësuesi Beq Met Tahiraj fiton çmimin “Shaban Jashari”

11:46 | 6 Mars 2017
Arbresh.info

Për nder të 7 Marsit – Ditës së Mësuesit, Ministria e Arsimit, Shkencës dhe Teknologjisë ka organizuar ceremoninë e ndarjes së çmimit tradicional “Shaban Jashari”, me ç’rast janë ndarë edhe mirënjohje për mësimdhënës të dalluar për secilën komunë.

Mësues i vitit u shpall Beq Met Tahiraj nga Komuna e Deçanit, raporton Ekonomia Online.Ministri Arsim Bajrami theksoi se mësimdhënësit nuk u dorëzuan asnjëherë dhe janë heronjtë të vërtetë.“Ata sot janë patriotë model sepse edukojnë të rinjtë tonë.

Është vetëm një satisfaksion që ne e bëjmë për ta. Një edukim cilësor bëhet përmes mësuesve të përgatitur.”Beq Met Tahiraj i cili u shpall mësues i vitit tha se ky çmim për mua është befasi.“Ka shumë mësues të mirë në Kosovë. Vet emri Shaban Jashari tregon sakrificën. Sakrificë me shpërnda rreze drite, me shpërnda të nxënësit dije”, ka thënë ai.