Edhe një shkollë në Kosovë është mbyllur si pasojë e infektimit të mësimdhënësve me COVID-19.

Bëhet fjalë për shkollën e mesme të lartë “Lasgush Poradeci” në Kijevë.

Në njoftimin e kësaj shkolle thuhet se mësimi do të vazhdojë online kjo sepse një mësimdhënës ka dalë pozitive me virusin COVID-19.

“Njoftojmë nxënësit se që nga nesër e premte datë 09.10.2020 mësimi mbahet online nga shtëpia, dhe kjo do të vazhdoj deri në një njoftim të ri. Ky vendim është marrë nga Drejtoria Komunale e Arsimit në Malishevë ngase një mësimdhënës ka rezultuar pozitiv me Covid-19”, thuhet në njoftimin e tyre.

Gazeta inFokus nga burime brenda shkollës mëson se është infektuar më shumë se një mësimdhënës.

Gazeta inFokus po ashtu ka tentuar të kontaktojë me zyrtarë të kësaj shkolle mirëpo nuk e kanë hapur telefonin.