Akademia e Shkencave dhe Arteve e Kosovës, ka publikuar botimin “Platformë për rimëkëmbjen e arsimit në Kosovë”. Në këtë ceremoni kryetari i ASHAK-ut, Mehmet Kraja, tha se arsimi në Kosovë është i politizuar duke filluar nga çerdhet.

Ai tha se në Arsimin e Lartë ka korrupsion, por askush nuk merret, raporton arbresh.info.

“Nuk kemi vetëm Universitetet Publike të politizuara por edhe çerdhet. Të gjithë e dimë se në arsimin e lart ka korrupsion por askush nuk e merr përsipër këtë”, tha ai.

Ndërsa, Justina Shiroka – Pula, tha platforma ka për qëllim të ofrojë perspektivë në arsim.

Justina Shiroka Pula, tha se platforma ka për qellim të ofrojë perspektivë në arsim.

“Sistemi i arsimit në Kosovë është një temë që diskutohet që pas luftës në Kosovë. Shprehë përkrahjen e kemi pasur të ndërkombëtareve për t’i zbaruar reformat në arsim. Një gjendje e tillë e ka nxit akademinë që të shpreh qëndrimet e veta në sistemin e arsimit, duke identifikuar problemet, në një përmbledhje në një dokument. Platforma ka për qellim të ofrojë perspektivë”, tha ajo.

Ministria e Arsimit, Arberie Nagavci tha se, kjo platformë është e rëndësishme dhe madje sot jemi tepër vonë.

“Kjo platformë është e një rëndësisë së jashtëzakonshme dhe madje sot jemi tepër vonë, është një pikë që duhet te na bashkojë të gjithëve. Jemi dëshmitar të gjithë se sa e rëndë është gjendja në arsim. Sot është koha të angazhohemi të punojmë bashkërisht”, tha ajo.

Në këtë ngjarje ka qenë i pranishëm edhe ish- kryeministri i Kosovës, Isa Mustafa i cili është pjesë e akademisë. A. Z. /arbresh.info/