Gjinovci: 72 për qind e profesorëve të UP-së nuk i justifikojnë titujt që mbajnë

10:27 | 5 Dhjetor 2017
Arbresh.info

Organizata për Rritjen e Cilësisë në Arsim – ORCA bën prezantimin e hulumtimit të CV-ve të të gjithë profesorëve të Universitetit të Prishtinës.

Rron Gjinovci nga kjo organizatë ka thënë se 72 për qind e profesorëve në Universitetin e Prishtinës nuk i justifikojnë titujt që mbajnë në këtë institucion të rëndësishëm, shkruan arbresh.info.

“54 për qind e tyre ndonëse nuk kanë publikuar ndonjëherë në revista të dyshimta prapë se prapë nuk e arsyetojnë se i meritojnë ata tituj. Vendi ynë ka kaluar në procesin e periudhave të vështira por ne mendojmë që është koha për kthesa të mëdha”, ka thënë Gjinovci.

Presim që ky hulumtim t’i mobilizoj qeveritarët për t’i rritur kushtet për publikim.

Ai po ashtu ka thënë se presin që të caktohet një afat se deri kur profesorët do të mund t’ju justifikojnë titujt që po i mbajnë./arbresh.info/