Zhurma e shkaktuar nga Serbia për prezencën e flamurit të Kosovës në Katedralen Notre Dame të Parisit, ka ngjallur reagimet e para nga Franca.

Një zëdhënës i kësaj katedraleje, ka thënë se për vendimin janë bazuar në listën e të ftuarve për këtë ngjarje, transmeton lajmi.net.

“Notre Dame nuk i merr qëndrimet e askujt, dhe nuk merret me diplomacy”, citohet të ketë thënë një zëdhënës i kësaj Katedraleje.

Më herët lidhur me këtë kishin reaguar mediat serbe, duke e cilësuar si një skandal dhe duke i kërkuar presidentit serb që të bojkotojë këtë ngjarje.

Madje kreu i diplomacisë serbe, Ivica Daçiq, këtë veprim e kishte quajtur si një skandal të madh, teksa kishte shtuar se Beogradi nuk mund ta parandalojë një gjë të tillë.

Lajmin për vendosjen e flamurit e kishte bërë të ditur dje ambasadori i Kosovës në Francë, Qëndrim Gashi përmes një postimi në Twitter./Lajmi.net/