Në Klinikën Emergjente të Qendrës Klinike Universitare të Kosovës janë trajtuar 185 raste për 24 orë, ndërsa sipas drejtorit, Basri Lenjani, që nga orët e hershme të mëngjesit kanë kërkuar ndihmë 60 raste.

“Lëndimet janë kryesisht nga rrëshqitjet në borë apo në akull. Kanë qenë lëndime të ekstremiteteve të poshtme dhe të epërme. Po ashtu dominojnë edhe sëmundjet e sistemit kardiovaskular. Klinika Emergjente ka ngritur gatishmërinë që të ofrojë kujdesë emergjent mjekësor, dhe pacientët na informojnë se rrugët e pa pastruara,” është shprehur Lenjani për arbresh.info.

Ai këshillon që personat e moshuar, ata me probleme kardiovaskulare mos të dalin jashtë.

“Nga ora 08:00 e mëngjesit deri në 11:00 fare mos të dalin jashtë përshkak se rrugët janë të papastruara dhe mund të vetëaksidentohen. Personat me probleme kardiake mund të shkaktojnë probleme serioze në shfaqjen e simptomave të përsëritura. Qytetarët para timonit të jenë të kujdesshëm për t’i ikur lëndimeve të mundshme,” deklaroi Lenjani.

Ai bënë të ditur se janë të angazhuar katër mjek të emergjencës, dy rezidentë, tre kardiolog dhe në përgjithësi mund të arrijë numri i të angazhuarve në mbi 30 mjekë.

Sipas statistikave 35 pacientë kanë marrë shërbimet e nevojshme mjekësore në dhomën e reanimimit, 44 persona i janë nënshtruar ndërhyrjeve kirurgjike.

Gjatë kësaj kohe, kishte edhe 67 raste internistike dhe 27 ortopedike. Si pasojë e aksidenteve në trafik, 8 persona kanë kërkuar ndihmë mjekësore. Për trajtim të mëtutjeshëm, në klinikat e QKUK-së janë pranuar 34 pacientë./arbresh.info/

https://www.facebook.com/arbresh.info/videos/443359496201238/?__xts__%5B0%5D=68.ARBa7xsfpwvUiQnVTAYdu_qcpbuKPLc0RF00BXYK5yhRjTV1XcpTkEOlXeEXo8bFwL6FU9i5_TGegTsiZVEGWAlrBFGkUUaRtkBBq9YC9RrDUIFcedDpaq-bJN9fMZi8RLZQw4wAS002LTjDFKiVNUJRjL3rhbraVw328btkzSwft29pPoPB8o1uGNIgH-qY-sI3U7WKWmPDhuvMdfRfc6ghhsdwJ5OH5Jx5fVVLo8HT-uqfIuLcZ0W4ibuI2jBZfFdKw8z3ZCkLxTLeb8CEWzN5aFPAZLc-WpVarENUvgJ3awM42kYYhriy_4fPyRoyLZQIrK9qMw2IiIZBfjE3XgLBoOUJHuRXMGw&__tn__=-R