Serbia po vazhdon me të madhe lobimin në mesin e shteteve anëtare që të parandalojë anëtarësimin e Kosovës në Interpol.

Siç shkruan gazeta “Novosti”, Serbia përmes grupit punues, i cili përbëhet nga Ministria e Punëve të Jashtme, Ministria e Punëve të Brendshme dhe e ashtuquajtura Zyrë për Kosovën, po vazhdon lobimin kundër Kosovës në Inerpol.

Me deklarata të forta kundër ka dal edhe ministri i Punëve të Brendshme të Serbisë, Nebojsha Stefanoviq.

“E ashtuquajtura Kosovë, në përputhje me të drejtën ndërkombëtare, përfshirë Rezolutën 1244 të Këshillit të Sigurimit të Kombeve të Bashkuara, është pjesë integrale e Serbisë nën administrimin e përkohshëm ndërkombëtar të OKB”, tha Stefanoviç, citon gazeta serbe “Novosti”, transmeton Arbresh.info.

Sipas Stefanoviq, Kosova nuk është anëtare e OKB-së dhe as nuk ka statusin e vëzhguesit në Asamblenë e Përgjithshme të OKB-së.

“Serbia vë në dukje se nuk ka një bazë e vetme për të shqyrtuar kërkesën jo-ekzistente “Republika e Kosovës” në rendin e ditës të seancës së ardhshme të Shtëpisë së Asamblesë së Përgjithshme të Interpolit dhe të kërkojmë nga Komiteti Ekzekutiv të fshin nga agjenda pikën e specifikuar”, ka shtuar Stefanoviq.

Ministri serb u ka dërguar edhe një letër shteteve anëtare te Interpolit.

Me vendim të Komitetit Ekzekutiv të Interpolit në mars kërkesa e Prishtinës u vu në agjendën paraprake të samitit të ardhshëm të GS që vijon në nëntor në Dubai.

Në letrën e tij, Stefanoviq thekson se kërkesa e të ashtuquajturit ” Kosova nuk ka qenë e paraqitur dhe nuk është në përputhje me rregullat e Interpolit, pasi Prishtina në vitin e kaluar tërhoqi kërkesën e saj, dhe një kërkesë e re nuk dorëzohet deri më 31 janar të vitit 2018. Përveç kësaj, sipas procedurës, anëtarët e Interpolit duhet të informohen për pranimin e kërkesës për anëtarësim dhe se ata duhet të kenë një mundësi për të komentuar mbi atë para Komitetit Ekzekutiv të marrin në konsideratë kërkesën, por në rastin e një kërkese Prishtina humbi këtë mundësi. Kështu, gjatë sesionit të marsit të IC, kërkesa e tyre ishte përfshirë në agjendën paraprake të Sesionit të 87 të GS, thuhet në letrën e Stefanoviq./Arbesh.info