Ministri i Mjedisit dhe Planifikimit Hapësinor, Fatmir Matoshi ka thënë se sot Qeveria e Kosovës në mbledhjen e saj të rregull ka miratuar propozimi e tij, Strategjinë për Ndryshime Klimatike.

Sipas tij kjo strategji është një hap fillestar në procesin e menaxhimit të politikave për zvogëlimin e emisioneve të gazrave serrë dhe përshtatjes ndaj ndryshimeve klimatike.

“Kjo strategji përcakton politikat shtetërore për ndryshime klimatike për dhjetë vitet e ardhshme dhe përfshinë edhe Planin e Veprimit”, ka shkruar Matoshi në facebook.

Në këtë strategji janë të përcaktuara pesë objektiva.

Postimi i plotë:

Me propozimin tim, sot Qeveria e Republikës së Kosovës ka miratuar Strategjinë për Ndryshime Klimatike e cila është hap fillestar në procesin e menaxhimit të politikave për zvogëlimin e emisioneve të gazrave serrë dhe përshtatjes ndaj ndryshimeve klimatike.

Kjo strategji përcakton politikat shtetërore për ndryshime klimatike për dhjetë vitet e ardhshme dhe përfshinë edhe Planin e Veprimit.

Kjo Strategji ka përcaktuar pesë objektiva strategjike:

1. Zhvillimi i kapaciteteve të Kosovës për përmbushjen e obligimeve në kuadër të Konventës UNFCCC dhe BE-së;

2. Zvogëlimi i emetimeve të GS;

3. Zhvillimi i mekanizmave të ri dhe përmirësimi i atyre aktualë në zvogëlimin e rrezikut nga fatkeqësitë, në sektorët me rëndësi ekonomike që janë të cenueshëm ndaj ndryshimeve klimatike;

4. Ngritja e kapaciteteve për përshtatje të sistemeve natyrore;

5. Ngritja e kapaciteteve të partnerëve, akterëve dhe hisedarëve qendrorë dhe lokalë për integrimin e çështjeve të ndryshimeve klimatik dhe përshtatjes në proceset e zhvillimit;/arbresh.info