Haradinaj kujton veprimtarin Adem Demaçi, e quan simbol të rezistencës

10:31 | 26 Korrik 2019
V. S.

Me rastin e njëvjetorit të vdekjes së veprimtarit Adem Demaçi, kryeministri në detyrë, Ramush Haradinaj, ka bërë homazhe tek varri i tij.

Ndonëse nuk ka pranuar të flas para mediave, përmes një postimi në facebook, Haradinaj e ka quajtur Demaçin simbol të rezistencës shqiptare.

Postimi i plotë:

Në një vjetorin e kalimit në përjetësi, me nderim dhe përkulje kujtojmë kolosin shqiptar, që guxoi të krijojë, Heroin Adem Demaçi. Popullit të Kosovës, që i është bashku popujve të lirë, sot i duhet përmasa e vendosmërisë së të simbolit të rezistencës shqiptare, Adem Demaçi, për ta gjetur forcën për të qëndruar konsistent në mbrojtje të interesit nacional. Prehu i qetë, Baca i Kombit, Adem Demaçi, Heroi ynë!