Loris Karius nuk beson që Mohamed Salah ka arritur në nivelin e Cristiano Ronaldos ende.

Salah dhe Ronaldo do të përballen në finalen e së shtunës në Ligë të Kampionëve në Kiev, transmeton portali arbresh.info. Edhe pse Salah ka kaluar me gola Ronaldon këtë sezon, Karius beson se ai duhet të përsëris të njëjtën gjë vit pas viti për të qenë si superylli portugez.

“Ky sezon është i pabesueshëm. Ai sigurisht është në atë regjion, por dallimi më i madh është që Ronaldo e bënë këtë që shumë vite. Është shumë herët për të vendosur Mo Salahn me të”, ka thënë Karius për ‘Sky Germany’.

“Nuk dua të lë anash ndonjë gjë nga Mo Salah – ai është i klasit botëror këtë sezon. Por, Ronaldo e bënë këtë që shumë vite për të qenë me më të mirët, ju duhet ta vërtetoni këtë sezon pas sezoni”

“Shpresoj që ai mund ta bëjë këtë. Uroj që të ketë mundësi. Ai është ende i ri dhe ka shumë hapësirë për tu përmirësuar madje edhe më shumë”

Përballja mes Ronaldos dhe Mo Salahs zhvillohet duke filluar nga ora 20:45 më 26 maj./arbresh.info/