Trajneri i Argjentinës tregon pse nuk e ftoi Icardin në Kupën e Botës

22:32 | 21 Maj 2018
Arbresh.info

Trajneri i Argjentinës, Jorge Sampaoli, ka mbajtur konferencë për shtyp pas zbulimit të listës me lojtarët e ftuar për Kupën e Botës.

Në listën e Sampaoli mungon sulmuesi i Interit, Mauro Icardi, që këtë sezon në Serie A ka shënuar 29 gola.

Sipas Sampaoli, Icardi dhe lojtarë të tjerë nuk janë ftuar shkaku i përshtatjes së lojës së tyre me skemat e tij te kombëtarja.

“Kemi arritur në këtë listë pas analizave shumë të gjata”, ka thënë Sampaoli.

“Lojtarët që kam ftuar identifikohen me stilin tonë të lojës. Për shembull: Unë kam zgjedhur Ansaldin sepse ai është një mbrojtës që mund të luajë në të dy krahët”.

“Icardi, Perotti, Papu Gomez dhe Lautaro Martinez nuk do të vijnë me ne në Rusi, por ata ende janë lojtarë të mirë, të cilët mund të jenë në sulmin tonë”