Një grup shkencëtarësh austriakë kanë analizuar zakonet e konsumimit të alkoolit dhe të dhënat mjekësore të 611,169 burrave nga 17 studimet e mëparshme dhe kanë arritur në përfundim se një gotë verë e bardhë në ditë mund të jetë e dëmshme për shëndetin e burrave.

Megjithatë, të njëjtët ekspertë kanë gjetur se, në të kundërt, duke pirë një gotë verë të kuqe në ditë redukton rrezikun e zhvillimit të kancerit të prostates, transmeton portali arbresh.info

Gjatë procesit të hulumtimit dhe duke marrë parasysh të gjitha llojet e rrushit, hulumtuesit fillimisht arriti në përfundimin se konsumimi i një gote verë në ditë nuk ndikon në rrezikun e plotë të atij lloj kanceri.

Pas një studimi më të hollësishëm, ata kanë gjetur se konsumimi i verës së bardhë rrit gjasat për kancerin e prostatës deri në 26 përqind, ndërsa vera e kuqe i zvogëlon ato deri me 12 përqind.

Autori i studimit Shahrokh Shariat tha se zbulimi i arsyes molekulare për këto dallime potenciale mund të rezultojë në një strategji parandalimi.

Një studim i mëparshëm ka gjetur se konsumimi i birrës mund të rrisë zhvillimin e kancerit të prostatës deri në 37 përqind./arbresh.info/