Kryeministri Edi Rama ka ngritur tonet këtë të martë gjatë bashkëbisedimit të tij me qytetarët e Laçit, atje ku po zhvillohej një dëgjesë.

Ndarja e vendit në Veri e Jug duket se ka acaruar nervat e Kryeministrit, i cili ka folur për “maskarenj” që tentojnë të bëjnë politikë për të goditur qeverinë e për ta prezantuar atë si një maxhorancë të interesuar vetëm për mirëqënien e shqiptarëve që jetojnë në jug të vendit.

Kryeministri u shpreh se ka një mesazh për ata maskarenj që bëjnë politikë të tillë, duke deklaruar se programi për rindërtim prej një miliard dollarësh është më së shumti i përqendëruar në zonat veriore të vendit.

Rama: Një gjë kam për ty thënë atyre maskarenjve, që ndajnë veri jug.

Nga programi 1 miliard janë shumë investime që janë në veri dhe jo jug. Nga program 1 miliardë për rindërtim ka 4 projejkte. Ku janë këto?

Aksi Thumanë-Kashar, aksi Milot-Balldren dhe Rruga e Arbërit, tre nga katër projekte janë në veri dhe do të ndërtohet të gjitha brenda këtij mandati.

Projekti i vetëm në jug është aksi Vlorë-Llogara. Më shumë se 75% e fondit të programit është nga Tirana e sipër, në veri. Kjo është për maskarenjtë që i bien kësaj daulleje./Gazeta Express