Kryetari i partisë ZGJIDHJA Koço Kokëdhima i ftuar në emisionin “Opinion” në Tv Klan të Blendi Fevziut është shprehur se Berisha dhe Rama janë në pushtet dhe se këtë pushtet e kanë vënë në shërbim të krimit.

“Keta e vunë në sherbim të pushtetit të tyre gjithë krimin. Ky është një shtet që nuk e lufton krimin. Këtë rrugë e nisi Berisha dhe po e vazhdon Rama. E vërtata ime dhe jeta ime i është kushtuar biznesit. Unë kam 20 vjet jam biznesmen i ndershëm. Zoti, Muhameti dhe Krishti të zbresë këtu nuk e ndryshon jetën time. Unë e kam bërë të qartë këtë çështje që në rangun tim nuk ka vend për të bërë diskutime. Ai rreshtim, emri im në ato emra është një lajthitje sepse nuk mund të interpretojnë vendimin e gjykatës. Unë nuk dua të beë komente”, tha Kokëdhima.