Italia ka regjistruar një rënie drastike në ranglistën e fundit të publikuar nga FIFA.

Dështimi për tu kualifikuar në Kampionatin Botëror në Rusi ka bërë që kombëtarja të pësoj rënien më të madhe në historinë e tyre, transmeton portali arbresh.info.

“Azzurrët” kanë rënë nga pozita e 14-të që ishin pas eliminimit nga Suedi me zhvillimin e ndeshjeve miqësore gjatë muajit mars, atë kundër Argjentinës duke u mposhtur me rezultat 2 me 0 dhe kundër Anglisë duke barazuar 1 me 1.

Rekordi më i keq i mëparshëm i fituesit të katërfishtë të Kampionatit Botëror ishte pozita e 17-të, ndërsa ata tani qëndrojnë në pozitën e 20-të.

Kampioni në fuqi, Gjermania vazhdon të jetë lidere në ranglistë para Brazilit e ndjekur nga Belgjika, Portugalia dhe Argjentina./arbresh.info/

https://twitter.com/FIFAcom/status/984340435794579458