Xhaferi: Sulmuesit bërtitën “do t’u vrasim të gjithëve, nuk do të dilni nga këtu”

11:18 | 10 Prill 2018
Arbresh.info

Kryetari i Kuvendit, Talat Xhaferi dëshmoi në gjykatë në lidhje me tentimvrasjen e deputetit dhe kryetarit të Aleancës për Shqiptarët, Ziadin Sela, natën e 27 prillit të dhunshëm të vitit të kaluar.

Në seancë, Xhaferi u përgjigj në pyetjet e prokurorisë, e më pastaj edhe të palës mbrojtëse të të akuzuarve, përcjell Telegrafi Maqedoni.

Sipas tij, protestuesit filluan të sulmojnë, duke përdorur dhunë fizike, e më pastaj edhe me çfarëdo lloj pajisje, pa e kursyer ndonjërin nga deputetët dhe mediat.

Xhaferi sqaroi se Zaevi, Spasovski, Misovski, Kiracovski, Mançevski, Vesel Memedi e Ziadin Sela, si edhe sigurimi i Spasovskit, krijuan kordon për ta mbrojtur.

Kryetari i Kuvendit theksoi se sulmuesit kanë bërtitur “do t’u vrasim të gjithëve, nuk do të dilni nga këtu”. /Telegrafi/