Ku u shpenzuan rezervat shtetërore?

09:10 | 29 Mars 2018
Arbresh.info

Rrymën e veriut që dikur iu faturua qytetarëve të pjesës tjetër të Kosovës, tani po e paguan Qeveria
Ky obligim mori afër një të pestën e rezervave shtetërore të destinuara për raste emergjente e të paparashikuara. Nga 4.8 milionë që është shuma totale e rezervave, 1 milion u destinua për këtë punë.

Por një pjesë goxha e madhe e këtij buxheti krizash u shpenzuan për kremte.
Festimet për 10-vjetorin e pavarësisë së Kosovës morën plot 600 mijë euro, 500 mijë të tjera u ndanë për 550-vjetorin e vdekjes së Skënderbeut, ndërsa 100 mijë tjera u harxhuan për epopenë e UÇK-së.

Diçka më shumë se 150 mijë euro u ndanë për shënjimin e mirëmbajtjen e kufirit shtetëror me Malin e Zi.

Nga paratë që janë të menduara për gjëra të paparashikuara u ndanë edhe 120 mijë euro në ndihmë të 800 familjeve të komunitetit egjiptian dhe 50 mijë për komunitete tjera.