Me paraqitjen e saj në Grammy, Brit Awards dhe Oscars në muajt e fundit, Rita Ora ka pasur një fillim vit shumë të ngarkuar.

Por kjo është normale për një 27 vjeçare, e cila ka udhëtuar në 14 vende të ndryshme në 12 muajt e fundit, pavarësisht se këto nuk ishin në kuadër të një turneu.

DailyMail i ka kushtuar një artikull bukuroshes shqiptare, duke treguar se këtu përfshihen udhëtime të shumëfishta në Paris, New York dhe Los Angelos, ku edhe filmoi ABC show “Boyband” vitin e kaluar, transmeton Indeksonline.

Këngëtarja e cila jeton në Londër, ka bërë edhe udhëtime në Moskë, Hong Kong dhe Hamburg, si dhe duke shijuar udhëtime në Vancouver dhe Melbourn.

Dhe kohët e fundit, Rita ka qenë edhe në Bahrein, Los Angelos dhe në Kosovë, në vendin ku edhe ajo ka lindur.

Ylli i muzikës pop, ka punuar shumë për promovimin e filmit Fifty Shades Freed gjatë muajve të fundit, si dhe për lansimin e këngës së saj të re dhe për nisjen e linjës së saj të modës të quajtur “Roara Republic”.

Përderisa shumica e udhëtimeve të saja janë lidhur me punën , Rita ka gëzuar edhe pushime në Maldive, Xhamajka, Kenia dhe Kolorado, ku edhe kaloi Vitin e Ri me të dashurin Andreëw Watt.

Më poshtë sjellim disa nga pamjet gjatë vizitave të saja në këto vende.