Fernando Santos ka lavdëruar përkushtimin e lojtarëve të tij pasi Cristiano Ronaldoi shpëtoi Portugalinë duke i siguruar një fitore vonë gjatë ndeshjes kundër Egjiptit me rezultat 2 me 1.

Kampioni evropian ishte afër disfatës në Gjenevë para se ylli i tij kryesor të reagonte duke realizuar dy gola të shpejta gjatë minutave shtesë, transmeton portali arbresh.info. Ronaldo tani ka realizuar gjithsej 81 gola për skuadrën kombëtare të Portugalisë duke e lënë pa fjalë trajnerin e tij kur është pyetur për të përshkruar superyllin e Real Madridit.

“Ky është Ronaldo. Ronaldo është një gol. Ai është një gol!”, ka thënë fillimisht Santos i hutuar. “Ne ishim më të mirë në pjesën e parë, por me disa nuanca me saktësia të vogël në aspektin ofanziv. Ne nuk mund të krijonim mundësi të shkëlqyera, por me mënyrën e lojës sonë ne mund të shënonim gola”

“Jam përpjekur për ta korrigjuar këtë në pjesën e dytë, por gjërat nuk shkuan aq mirë. Loja ishte më e thyer dhe ne pranuam një gol që erdhi nga mungesa e agresivitetit në mbrojtje. Zëvendësimet e bëra pas golit shkaktuan vështirësi”

“Skuadra ishte e thyer. Falë lojtarëve, skuadra u ngrit dhe lumturia erdhi për ata që e kërkonin atë, falë përkushtimit të një skuadre që nuk lejon kurrë të humbas, fiton gjithmonë”

Portugalia ka humbur vetëm një ndeshje nga 14 të fundit duke fituar 11 prej tyre./arbresh.info/