Presidenti i Kosovës, Hashim Thaçi, përmes një postimi në profilin e tij në facebook ka shkruar se kosovarët u janë përjetësisht mirënjohës Shteteve të Bashkuara të Amerikës, atyre të Bashkimit Europian dhe NATO-s, për intervenimin në Kosovë, shkruan arbresh.info.

Ai ka shkruar se “U jemi përjetësisht mirënjohës SHBA-së, shteteve të BE-së dhe Aleancës së NATO-s, që me intervenimin e tyre hapën kapitullin e çlirimit të Kosovës”.

Ky është shkrimi i tij i plotë në facebook:

“Sot u bënë 19 vjet nga fillimi i sulmeve ajrore të NATO-s kundër forcave ushtarake e policore serbe. Pasi përpjekjet diplomatike ndërkombëtare nuk e ndalën agresionin e regjimit të Millosheviqit në Kosovë, ndërhyrja e NATO-s kishte mbetur alternativë e vetme për t’i dhënë fund vuajtjeve të popullit tonë.

U jemi përjetësisht mirënjohës SHBA-së, shteteve të BE-së dhe Aleancës së NATO-s, që me intervenimin e tyre hapën kapitullin e çlirimit të Kosovës.

Republika e Kosovës mbetet e përkushtuar për forcimin e paqes, sigurisë dhe për një të ardhme në fqinjësi të mirë në tërë rajonin”, ka shkruar Thaçi në facebook/arbresh.info/