Kryeministri i Britanisë së Madhe, David Cameron, i ka dërguar një letër homologut të tij serb, Aleksander Vuçiq, me anë të së cilës “e ka përgëzuar kryeministrin serb për punën e tij të mirë që ka bërë ai në udhëheqjen e qeverisë dhe përpjekjet për përmirësimin e raporteve ndër fqinjësore në Ballkanin Perëndimor.

Letra e Cameron-it iu dërgua Vuciq-it përmes ambasadorit britanik në Serbi, Dennis Keefe, raporton Tanjug, përcjellë Klan Kosova.

“Kryeministri britanik ka mirëpritur angazhimin e madh që Vuçiq po tregon në përmirësimin e raporteve fqinjësore, në dialog me Prishtinën dhe guximin e tij për të marr pjesë në përkujtimin e viktimave të Srebrenicës”, shkruan Tanjug.

“Edhe Vuçiq ka falënderuar nderimin që i është bërë me anë të kësaj letre, duke thënë se reformat për zbutjen e papunësisë që ka ndërmarrë Cameron në Britani do t’i hynin në punë shumë edhe Serbisë”.

Vuçiq tha se po llogaritë në ekspertizën e britanikëve për ta ndihmuar vendin e tij.