Zyrtare: La Liga shfrytëzon teknologjinë VAR nga sezoni i ardhshëm

14:20 | 2 Mars 2018
Arbresh Info

La Liga ka vendosur për të shfrytëzuar sistemin VAR (asistent i gjyqtarit përmes videos) duke filluar nga sezoni i ardhshëm.

VAR ka depërtuar në Bundesliga dhe Serie A këtë sezon duke ngjallur shpesh debate, ndërkohë që është shfrytëzuar edhe në Angli te ndeshjet e zhvilluara në kuadër të Kupës FA, transmeton portali arbresh.info.

FIFA vazhdon të jetë e vendosur për të shfrytëzuar këtë teknologji në Kampionatin Botëror 2018 në Rusi dhe së fundmi është konfirmuar se edhe kampionati kryesor në Spanjë do të filloj nga sezoni i ardhshëm përdorimin e saj.

Në një deklaratë, La Liga ka konfirmuar se kanë arritur një marrëveshje me Federatën e Futbollit të Spanjës për të prezantuar VAR-in në sezonin 2018/19.

Gjyqtarët e pensionuar së fundmi, Carlos Velasco Carballo dhe Carlos Clos Gomez do të mbajnë trajnime për zyrtarët e ndeshjeve duke filluar nga tani, ndërsa ‘Mediapro’ do të jetë përgjegjëse për të ofruar shpenzimet e teknologjisë në La Liga./arbresh.info/