Dje ka vazhduar dialogu teknik ndërmjet Kosovës dhe Serbisë.
Në takimin e sotëm janë diskutuar marrëveshjet për lirinë e Lëvizjes, Drejtësia dhe IBM.

Kështu të paktën ka bërë të ditur zëdhënësja e Komisionit Evropian, Maja Kocijançiq.
“Avni Arifi e Marko Gjuriq diskutuan sot në Bruksel për zbatimin e marrëveshjeve për lirinë e lëvizjes, drejtësinë e IBM”, ka shkruar ajo.

Kocijançiq tutje ka bërë të ditur se sot do të diskutohet për Energjinë, Asociacionin dhe Urën në Mitrovicë.

“Diskutimet vazhdojnë nesër me bashkësinë e komunave me shumicë serbe, Energjinë, urën e Mitrovivës. Atmosfera është konstruktive, dhe e orientuar drejt rezultateve konkrete”, ka thënë.

Ndryshe, normalizimi i raporteve ndërmjet Kosovës dhe Serbisë është kusht kryesor për integrimin e dy shteteve drejt BE-së.