Franca ka shtuar zërin e saj në thirrjen për një armëpushim 30 ditor në rajonin e Ghoutas Lindore që mbahet në kontrollë nga forcat opozitare të Sirisë.

Gjithashtu, Franca ka theksuar se mekanizëm i fuqishëm mbikëqyrës duhet të vihet në vend për ta monitoruar atë, transmeton portali arbresh.info

Ministri i Jashtëm francez Jean-Yves Le Drian gjatë një bisede me Sekretarin e Përgjithshëm të OKB-së, Antonia Guterres, ka theksuar se është “e domosdoshme” që bashkësia ndërkombëtare të veprojë.

“Armëpushimi 30-ditor, i propozuar në një rezolutë nga Suedia dhe Kuvajti, për të evakuar dhe lejuar hyrjen e ndihmave humanitare në  duhet të mbështetet”, ka deklaruar Le Drian.

Megjithatë, ambasadori i Rusisë në OKB ka theksuar se armëpushimi nuk është realist.

Në një deklaratë të Ministrisë së Jashtme, Le Drian përsëriti kërkesën e Presidentit Emmanuel Macron për një ndërprerje të menjëhershme të armiqësive.

Ministri francez do të udhëtojë në Moskë me 27 shkurt, ku pritet që të diskutoje mbi situatën në Siri me homologun e tij Sergei Lavrov./arbresh.info/