‘Los Blancos’ kanë siguruar pozitën e tretë në tabelën e La Ligas pas fitores së sotme (e shtunë) ndaj Real Sociedadit ku Cristiano Ronaldo realizoi hat-trick.

Real Madridi ka mposhtur me rezultat të thellë 5 me 2 skuadrën e Adnan Januzajt, i cili nuk ishte pjesë e skuadrës për shkak të lëndimit, në takimin e sotëm të zhvilluar si nikoqir në Bernabeu në kuadër të xhiros së 23-të në La Liga, shkruan portali arbresh.info.

Pas vetëm 45 sekondave lojë, skuadra e trajnerit Zinedine Zidane gjeti golin e epërsisë duke shënuar për 1 me 0 përmes Lucas Vazquez që realizoi me kokë pas asistimit të bukur nga superylli Cristiano Ronlado.

Ylli portugez dyfishoi epërsinë e skuadrës së tij në minutën e 27′ me një gol nga afërsia të shënuar me lehtësi pas asistimit nga Marcelo. Goli i tretë (34′) u shënua nga mesfushori gjerman Toni Kroos me një goditje të bukur nga distanca.

Vetëm tre minuta më vonë, Cristiano Ronaldo realizoi me kokë për 4 me 0, ndërsa hat-trickun e finalizoi në pjesën e dytë kur po zhvillohej minuta e 80′.

Jon Nbaulista (74′) dhe Illarramendio (83′) janë autorët e golave për skuadrën mysafire.

Real Madridi me 42 pikë tani qëndron në pozitën e tretë, dy më shumë se Valencia në pozitën e katërt, ndërsa Real Sociedadi qëndron në pozitën e 14-të me vetëm 26 pikë./arbresh.info/

Shikoni të gjitha golat:

https://streamable.com/90f71

https://streamable.com/7pstp