Turqia ka deklaruar se tetë ushtarë të saj janë vrarë në afërsi të enklavës kurde sirianë të Afrin.

Kjo konsiderohet si dita më vdekjeprurëse që kur operacioni i Ankarasë ka filluar, transmeton portali arbresh.info

Në një deklaratë, ushtria turke tha se pesë ushtarë u vranë pasi tanku i tyre në Siri u sulmua pranë Afrin. Ai thotë se ushtarët nuk mund të shpëtonin pavarësisht nga të gjitha përpjekjet.

Gjatë ditës gjithashtu janë vrarë edhe tre ushtarë të tjerë në një ofensive. Njëri është vrarë në zonën e sulmit, një tjetër në Sirinë veriore dhe i treti në anën turke të kufirit, në atë zonë që Ankaraja tha se ishte një sulm nga militantët sirianë kurdë.

Numri total i vdekjeve për trupat turke që nga fillimi i operacionit më 20 janar është tani në 13.

Deklarata thotë se një milicia kurde siriane dhe grupi i Shtetit Islamik kryen sulmin, pa dhënë detaje.

Turqia nisi sulmin në Afrin për të shkëputur milicinë siriane kurde të mbështetur nga SHBA-të, të cilën ajo e konsideron si një organizatë terroriste dhe një zgjatje e kryengritësve kurdë që luftojnë brenda Turqisë./arbresh.info/