Ambasador i SHBA-së në Prishtinë, Greg Delawie,  në “Konferencën vjetore të Prokurorëve”, ka ftuar këta të fundit që të vazhdojnë punën e tyre të pakompromis në luftën ndaj korrupsionit, shkruan arbresh.info.

Delawie bëri të ditur se ka dy prioritete për Kosovën ” ta ndihmojnë Kosovën në sundimin e ligjit dhe luftimin e korrupsionit”.

“E di që nuk jam i vetmi qe them se rezultatet në luftën kundër korrupsionit kanë lënë përshtypje. Populli i Kosovës nuk beson që institucionet e sundimit të ligjit punojnë seriozisht për ta luftuar korrupsionin. Ju nxis të gjithëve që profesionalisht t’i ndjekni penalisht të gjitha rastet e korrupsionit me profesionalizëm dhe përkushtim”, tha Delawie.

Ambasadori i ShBA-së, në këtë konferencë po ashtu ka thënë se rasti i vrasjes së politikanit serb Oliver Ivanoviq të hetohet me profesionalizëm.

“Për fat të keq prokuroria në veri po sfidohet me presionin që vjen nga rastet e profilit të lartë dhe rasti tragjik i vrasjes së Oliver Ivanoviqit. Mendoj që është thelbësore që ky rast të kryhet me gjithë profesionalizmin pa marrë parasysh sfidën”, tha ai./arbresh.info/